時分券的出現 : 是世界窮人 組織 "窮人社會", 發動 經濟戰爭

時分券的出現 : 是世界窮人 組織 "窮人社會" 向 "有錢人社會" 發動 經濟戰爭 的開始 !
__________________________________________________

泰國 村民 印銀紙 救經濟
15.01.2009

金融海嘯嘅風暴，由美國吹至歐洲，再由歐洲吹到亞洲，令全球經濟都唔可以獨善其身。不過，泰國有農村嘅村民，就可以唔使理全球嘅經濟環境，因為佢地唔單止自給自足，仲印埋銀紙，以抵抗國內政治同經濟動盪。

喺1998年亞洲金融風暴之後，泰幣大幅貶值，當地經濟陷入困境。泰國北部有條叫 "訕滴戌嘅" 鄉村，村民見到自己嘅銀紙越黎越唔值錢，就諗到以DIY方式，印製一啲五顏六色嘅銀紙，仲搵埋寺廟嘅和尚做中央銀行行長。當地居民就憑住呢啲好似大富翁銀紙嘅貨幣，喺當地買嘢消費。結果，呢條鄉村喺呢幾年經濟大幅上升，泰國北部其他鄉村，都爭相仿效佢地嘅做法。

中文大學財務系副教授 蘇偉文，對於呢一類另類貨幣，就話有辣有唔辣……

呢啲小圈子貨幣，雖然佢嘅局限好大，社區入面提供嘅服務同物資，如果唔夠多元化嘅話，社區貨幣可能毫無用武之地。不過，有西方國家已經一早搞呢啲社區貨幣嘅體系，有啲仲搞得有聲有色。

好似話加拿大嘅多倫多，就推出一種叫多倫多元嘅社區貨幣，居民可以喺銀行兌換，然後去社區以折扣價買面包、學琴，甚至學舞獅。美國嘅麻省亦有小鎮自行印製鈔票，畀街坊喺社區購物，令商店嘅利潤留番喺區內。

至於香港，其實都有類似嘅另類貨幣。灣仔一間社區中心，就喺2001年喺該區推行一種叫「時分券」嘅社區貨幣。街坊可以用佢嘅服務同物品，去換取呢啲時分券，再用時分券去換其他人嘅服務。譬如話，一個識整水喉嘅街坊，可以透過幫人整水喉得到時分券，然後再用時分券去找人幫佢湊仔。

負責呢個項目嘅社工 鄭淑貞 話，佢地搞左依種「時分券」前後有七年，無論喺參加人數，以至參加商舖，都係有增無減。箇中原因，就係 時分券 可以令 有錢無錢嘅街坊，都可以得到所需服務……

喺金融危機之下，小市民要自救真係要出盡法寶，印銀紙原來都係一個好辦法 !